Հայաստանում ընտրությունները տեղի են ունեցել ընդդիմության վրա աննախադեպ ճնշման և Արևմուտքի միջամտության պայմաններում.Մարիա Զախարովա

Ռուսաստանի արտաքին գործերի նախարարության խոսնակ Մարիա Զախարովան հայտարարել է, որ Հայաստանում ընտրությունները տեղի են ունեցել «ընդդիմության վրա աննախադեպ ճնշման և Արևմուտքի միջամտության» պայմաններում։
Ինչպես հաղորդում է ռուսական «Новости»-ին Զախարովան նշել է, որ Մոսկվան մտադիր է ձևավորել իր քաղաքականությունը Երևանի նկատմամբ՝ հաշվի առնելով Հայաստանի ղեկավարության իրական գործողությունները։

 Նա ընդգծել է, որ Ռուսաստանը միշտ հետաքրքրված է եղել և միշտ էլ  հետաքրքրված կլինի ուժեղ և իսկապես ինքնիշխան Հայաստանով։

Արտգործնախարարության խոսնակի խոսքով՝ վերջին ընտրությունները հստակ ցույց տվեցին հայ հասարակության ծայրահեղ բևեռացումը։ Միևնույն ժամանակ, նա կարծում է, որ կա հստակ հանրային պահանջարկ՝ Ռուսաստանի հետ կապերը զարգացնելու և Հայաստանի Եվրասիական տնտեսական միությանը (ԵԱՏՄ) շարունակական անդամակցության համար։

Զախարովան հավելել է, որ հայ ժողովուրդը եղբայրական է Ռուսաստանի հետ, և Մոսկվան նրանց մաղթում է խաղաղություն և բարգավաճում։