Ռուսաստանը պատրաստ է նպաստել Ադրբեջանի մերձեցմանը ԵԱՏՄ-ի հետ

Ռուսաստանը պատրաստ է նպաստել Ադրբեջանի մերձեցմանը ԵԱՏՄ-ի հետ, հայտարարել է Ռուսաստանի փոխարտգործնախարար Միխայիլ Գալուզինը SPIEF նիստի ժամանակ։

Ըստ ՌԻԱ Նովոստի-ի տեղեկության՝ Գալուզինն ասել է․«Ես կցանկանայի հատուկ նշել ԵԱՏՄ-ի կարևոր դերը։ Մենք պատրաստ ենք անել ամեն ինչ, որպեսզի նպաստենք Ադրբեջանի մերձեցմանը այս տնտեսական միության հետ»։

Դիվանագետի խոսքով՝ սա ավելի կամրապնդի առկա տնտեսական կապերը «մեր ընդհանուր եվրասիական տարածքում»։
«Ավելին, մեր կարծիքով, սա զգալի դրական ազդեցություն կունենա Ադրբեջանի տնտեսության վրա, քանի որ երկիրը հասանելիություն կստանա ընդհանուր ապրանքների շուկայի առավելություններին և կկարողանա ընդլայնել համագործակցությունը տրանսպորտի, ծառայությունների և ներդրումների ոլորտներում։Մենք կցանկանայինք տեսնել Ադրբեջանին որպես Եվրասիական զարգացման բանկի բաժնետեր, և մենք կարծում ենք, որ նման քայլը կհարթի ճանապարհը բանկի համար՝ երկրում խոշոր նախագծեր ֆինանսավորելու համար», - ընդգծել է Գալուզինը։