Ռուսաստանի Դաշնության կողմից ամենաբարձր մակարդակով հնչել է Ղարաբաղը Ադրբեջանի մաս ճանաչելու հայտարարությունը

Նիկոլ Փաշինյանի լրագրողների հետ ճեպազրույցի ընթացքում անդրադարձ  կատարվեց այն հանգամանքին, որ Զելենսկու այցելությունը Հայաստան  ընդունվել է որպես հակառուսական քայլ: Փաշինյանին հիշեցրեցին, որ նույն Զելենսկին շնորհավորում էր Ադրբեջանին՝ Հայաստանի հանդեպ տարած հաղթանակի առիթով: 

«Այո շնորհավորել է և այս առիթով շնորհավորել են մի շարք երկրներ, այդ թվում Բելոռուսը, բայց երբեք չեմ տեսել, որ «Բարգավաճ Հայաստան» կուսակցության ղեկավարը, որը ջատ ջերմ հարաբերությունների մեջ է Բելոռուսի նախագահի հետ, երբևէ արտահայտված լինի այս առիթով»:

Փաշինյանը հիշեցրեց, որ Ռուսաստանի մի շարք բարձրաստիճան պաշտոնյաներ ևս արտահայտվել են այս առիթով, բայց կրկին  որևէ արձագանք չի եղել ընդդիմադիրների կողմից:

«Ռուսաստանի Դաշնության կողմից ամենաբարձր մակարդակով հնչել է Ղարաբաղը Ադրբեջանի մաս ճանաչելու հայտարարությունը, և ես երբեք չեմ լսել «Բարգավաճ Հայաստան-ի», «Հայաստան դաշինք»-ի  և «Ուժեղ Հայաստան -ի ներկայացուցիչների կողմից որևէ արձագանք: Ես երբեք չեմ լսել այս առիթով նրանց մեկնաբանությունը»,- հավելեց Փաշինյանը: