«Ռուսաստանն ակնկալում է, որ Ադրբեջանի ներկայացուցիչները կմասնակցեն Ռուսաստանի Պետդումայի ընտրությունների մշտադիտարկմանը»

Դաշնության խորհուրդը ակնկալում է Ադրբեջանի ներկայացուցիչների մասնակցությունը 2026 թվականի սեպտեմբերի 18-20-ը նախատեսված Ռուսաստանի Պետդումայի ընտրությունների և օրենսդիր մարմինների ընտրությունների դիտարկմանը: Այս մասին հայտարարել է Դաշնության խորհրդի առաջին փոխնախագահ Անդրեյ Յացկինը՝ Ադրբեջանի դեսպան Ռահման Մուստաֆաևի հետ պաշտոնական հանդիպման ընթացքում, գրում են ադրբեջանական լրատվամիջոցները։

«Ցանկանում եմ նշել, որ մեզ սպասվում է կարևոր ընտրական տարի։ Ցանկանում եմ տեղեկացնել, որ Պետական ​​դումայի մեր գործընկերները պատրաստվում են ընտրարշավին։ Նախագահն արդեն հայտարարել է ընտրությունների ամսաթիվը սեպտեմբերին։ Մենք ակնկալում ենք, որ Միլլի Մեջլիսի պատգամավորները ակտիվորեն կմասնակցեն Պետական ​​դումայի ընտրությունների մշտադիրարկմանը», - ասել է նա։

Անդրեյ Յացկինը նշել է, որ երկու երկրների ղեկավարները՝ Ռուսաստանի նախագահ Վլադիմիր Պուտինը և Ադրբեջանի նախագահ Իլհամ Ալիևը, մեծ նշանակություն են տալիս միջխորհրդարանական հանձնաժողովի աշխատանքին։