Սաղաթելյանը՝ Պապիկյանին․ «Մեծ-մեծ խոսելու փոխարեն սահման գնացեք»

ՀՅԴ Հայաստանի Գերագույն մարմնի ներկայացուցիչ Իշխան Սաղաթելյանը կոշտ արձագանք է տվել ՊՆ նախարար Սուրեն Պապիկյանի հայտարարությանը։

«Քիչ առաջ տեսա, որ Սուրեն Պապիկյանը, նկատի ունենալով ընդդիմադիր ուժերից մեկին, հայտարարել է՝ «մեր ճանապարհը ովքեր փակեն, տրորելու ենք, վրայով անցնենք»։

Ուրեմն լսիր, Պապիկյան․ քո պարտականությունը ՀՀ քաղաքացիների անվտանգությունն ապահովելն է, ոչ թե մարդկանց «տրորելը»։ Եթե իսկապես ունակ եք ուժ ցուցաբերելու, ապա հավաքեք ձեր թիմը և զբաղվեք Հայաստանի ինքնիշխան տարածքներում գտնվող ադրբեջանական զորքերի դուրսբերմամբ՝ Ջերմուկից, Վարդենիսից, Սյունիքից։

Սկսեք, օրինակ, Ջերմուկից՝ ներգրավելով նաև Վայոց ձորի մարզպետին։ Դա է պետական պաշտոնյայի առաջնային պարտականությունը, ոչ թե հռետորաբանությամբ զբաղվելը», — հայտարարել է Սաղաթելյանը՝ տեսաուղերձով, որը հրապարակվել է նրա ֆեյսբուքյան էջում։