Սահմանների բացումը թույլ կտա տարածաշրջանին լիարժեք օգտվել տնտեսական և քաղաքական հնարավորություններից

«Երևանյան երկխոսություն» միջազգային համաժողովում Ֆրանսիայի նախագահ Էմանուել Մակրոնը իր ելույթում ներկայիս փուլը բնութագրել է որպես Հայաստանի պահ՝ ընդգծելով երկրի խաղաղության օրակարգի, տնտեսական առաջընթացի և տարածաշրջանային նշանակության աճը։

Ֆրանսիայի նախագահն ընդգծել է, որ վերջին օրերը վկայում են՝ սա իրականում Հայաստանի պահն է:

Մակրոնի գնահատմամբ՝ այս պահը Հայաստանի համար նոր ճանապարհ է բացում, և դա արդեն հաջողություն է։ Նա ընդգծել է, որ առաջին հերթին խոսքը խաղաղության ճանապարհի մասին է՝ նշելով, որ Հայաստանը խիզախություն ունեցավ ընտրելու խաղաղության ուղին և գտնելու անհրաժեշտ ձևաչափերը Ադրբեջանի հետ հարաբերությունների կարգավորման համար։ Նա հավելել է, որ 2022 թվականի Պրահայի և Վաշինգտոնի գագաթնաժողովները նպաստել են այդ գործընթացին:

Մակրոնը նաև ընդգծել է, որ ցանկանում է, որպեսզի «հայկական պահը» վերածվի նաև «կովկասյան պահի»՝ ընդգրկելով ողջ տարածաշրջանը։

«Տարածաշրջանը չպետք է դառնա կայսրությունների մրցակցության դաշտ,  այն կարող է վերածվել խաչմերուկի՝ իր աշխարհագրական դիրքի շնորհիվ»,- ասել է Ֆրանսիայի նախագահը:

Նա կարևորել է նաև սահմանների բացման անհրաժեշտությունը՝ նշելով, որ դրա իրականացումը թույլ կտա տարածաշրջանին լիարժեք օգտվել տնտեսական և քաղաքական հնարավորություններից։