Սամվել Կարապետյանին մինչև ձերբակալությունը գործարքի առաջարկ է արվել, որից հրաժարվել է

Ըստ Սամվել Կարապետյանի՝ իրեն առաջարկվել էր հայտարարել, որ չի մտնելու քաղաքականություն, խոստացվել էր, որ դրանից հետո ամեն ինչ կավարտվի։

«Ուժեղ Հայաստան» կուսակցության վարչապետի թեկնածու Սամվել Կարապետյանին մինչև ձերբակալությունը գործարքի առաջարկ է արվել, որից հրաժարվել է։ Նա այդ մասին ասաց ասուլիսի ժամանակ։

«․․․Մինչև ձերբակալելը, որ 1000 հոգով հարձակվել էին տան վրա, իրենք բարձր մակարդակով կոնկրետ ինձ արել են առաջարկություն, որ գնամ, սուրճ խմեմ մի տեղ, հայտարարեմ, որ եկեղեցուն չենք պաշտպանելու, դրանից հետո թե՛ ՀԷՑ–ը, թե՛ ամեն ինչը հետ է վերադարձվում։ Ես չեմ ընդունել առաջարկությունը, և գնացել ենք առաջ»,- ասել է Կարապետյանը։

Ավելի վաղ Կարապետյանն ասել էր՝ իրեն Մոսկվայի ընկերների միջոցով առաջարկ էր արվել նաև կալանքի 5-րդ օրը։