Սամվել Կարապետյանն արձագանքել է իր և եղբոր որդիների՝ բանակում չծառայելու վերաբերյալ Սուրեն Պապիկյանի հարցին

«Ուժեղ Հայաստան» կուսակցության նախագահ Սամվել Կարապետյանն անդրադարձել է ՀՀ պաշտպանության նախարար Սուրեն Պապիկյանի հնչեցրած հարցադրմանը, թե ինչո՞ւ իր և իր եղբոր որդիները չեն ծառայել հայկական բանակում։

Լրագրողների հետ զրույցում Կարապետյանը հայտարարեց, որ իրենց ընտանիքի անդամները զգալի ավանդ են ունեցել զինված ուժերի կայացման գործում։

«Իմ տղաները, իմ եղբոր տղաները հարյուր հազար անգամ ավելի շատ բան են արել Հայաստանի բանակի համար, քան Սուրեն Պապիկյանը 5000 տարի ապրելուց հետո»,- նշեց կուսակցության ղեկավարը։

Սամվել Կարապետյանը միևնույն ժամանակ վստահեցրեց, որ թե՛ իր, թե՛ եղբոր որդիները պարտադիր զինվորական ծառայությունից ազատվել կամ տարկետում են ստացել բացառապես օրինական ու հարգելի պատճառներով։