«Շա՞տ եք վախենում դրանից, անվախ օր եմ մաղթում». Միրզոյանը՝ ԱՄՆ պետքարտուղարի Հայաստան այցի մասին

ՀՀ արտաքին գործերի նախարար Արարատ Միրզոյանը դեռ փակագծեր չի բացում, թե հստակ ինչ օրակարգով է ԱՄՆ պետքարտուղար Մարկո Ռուբիոն ժամանում Հայաստան։

«Կգա՝ կհայտարարենք»,- Գյումրիում լրագրողների հետ զրույցում կարճ ձևակերպեց ԱԳ նախարարը։

Լրագրողների այն հարցին, թե արդյո՞ք ԱՄՆ պետքարտուղարը Հայաստան է գալիս՝ ի աջակցություն գործող իշխանությունների առաջիկա ընտրություններում, Միրզոյանն արձագանքեց հեգնանքով. «Շա՞տ եք վախենում դրանից, անվախ օր եմ մաղթում»։

ԱՄՆ պետքարտուղար Մարկո Ռուբիոյի պաշտոնական այցը Հայաստան նախատեսված է մայիսի 26-ին։