Շարունակվել է հայ գերիների դատը Բաքվում

Հուլիսի 7-ին Բաքվի վերաքննիչ դատարանը շարունակել է քննել Հայաստանի քաղաքացիներ Արայիկ Հարությունյանի, Արկադի Ղուկասյանի, Բակո սալահյանի, Դավիթ Իշխանյանի, Դավիթ Բաբայանի, Լևոն Մնացականյանի և այլոց վերաքննիչ բողոքները։ Բաքվի ռազմական դատարանը նրանց մեղավոր է ճանաչել խաղաղության և մարդկության դեմ ուղղված հանցագործությունների, Ադրբեջանի դեմ Հայաստանի ռազմական ագրեսիայի հետևանքով կատարված ռազմական հանցագործությունների, այդ թվում՝ ագրեսիվ պատերազմի նախապատրաստման և վարման, ցեղասպանության, պատերազմի օրենքների և սովորույթների խախտման, ահաբեկչության, ահաբեկչության ֆինանսավորման, իշխանության բռնի զավթման և բազմաթիվ այլ հանցագործությունների մեջ։Այս մասին գրում են ադրբեջանական ԶԼՄ-ները։

Ադրբեջանական ԶԼՄ-ների փոխանցմամբ՝ Արցախի նախկին նախագահ Արկադի Ղուկասյանի «փաստաբանը» դատարանին կոչ է արել բեկանել իր պաշտպանյալի նկատմամբ կայացված «դատավճիռը» և արդարացնել նրան: 

Արցախի նախկին արտգործնախարար Դավիթ Բաբայանը կրկին հայտարարել է, որ իրեն մեղավոր չի ճանաչում: 

Հաջորդ դատական ​​նիստը կկայանա հուլիսի 10-ին։