Մշակույթ
21 ապրիլի 2026 • 09:45
Ստեփանակերտում Ադրբեջանն ավերել է Սուրբ Աստվածամոր Հովանի տաճարը
«Սա հստակ նպատակադրված քաղաքականություն է»:
Ստեփանակերտի Սուրբ Աստվածամոր Հովանի մայր տաճարն ավերվել է։ Այս մասին ֆեյսբուքյան իր էջում գրառում է կատարել Արցախի մշակութային ժառանգության օմբուդսմեն, «Ազգային» պատմամշակութային ՀԿ փոխնախագահ Հովիկ Ավանեսովը։
«Արցախում տեղի ունեցողը այլևս չի կարելի ներկայացնել որպես առանձին դեպքերի շարք կամ անկառավարելի «վանդալիզմ»․ սա հստակ նպատակադրված քաղաքականություն է՝ վերացնելու հայկական ներկայության բոլոր տեսանելի հետքերը։ Ստեփանակերտի Սուրբ Աստվածամոր Հովանի մայր տաճարի ավերումը այդ ծրագրի հերթական, բայց ոչ պատահական դրվագն է։
Տաճարի ավերումը Հայոց ցեղասպանության 111-րդ տարելիցին ևս մեկ անգամ բացահայտորեն ցույց է տալիս Ադրբեջանի ցեղասպան քաղաքականությունն ու նրա իրական դիմագիծը։Առավել մտահոգիչ է այն հանգամանքը, որ ավերումից առաջ ադրբեջանական սոցցանցերում բացահայտորեն տարածվում էին կոչեր՝ քանդելու եկեղեցին։ Սա նշանակում է, որ տեղի ունեցածը ոչ միայն կանխատեսելի էր, այլև հանրային հարթակում նախապատրաստված։ Երբ նման կոչերը մնում են անպատիժ և վերածվում են գործողության, դա արդեն վկայում է ոչ թե առանձին խմբերի, այլ համակարգի խնդիրի մասին, որտեղ ատելությունը դառնում է գործիք»:
Կարդացեք նաև
Մշակույթ12 օգոստոսի 2026
Հայ աշակերտները երկու բրոնզե մեդալ են շահել արհեստական բանականության միջազգային օլիմպիադայում
Հայաստանի թիմի մասնակիցները ընտրվել են ներհայաստանյան փուլում 170 աշակերտից։
Մշակույթ10 օգոստոսի 2026
«Երազ այգում» տեղի կունենա Ազգային տարազի փառատոնը
Փառատոնը մեկ հարթակում կմիավորի հայկական ազգային տարազը, ավանդական արհեստները, երաժշտությունը, էթնոդիզայնն ու Խաղողօրհնեքի դարավոր ավանդույթը։
Մշակույթ3 օգոստոսի 2026
Մեկնարկում է ՀՀ պետական ավագ դպրոցների 10-րդ դասարանի ընդունելության առցանց հայտագրման երկրորդ՝ հիմնական փուլը
Առցանց հայտագրումն իրականացվում է երկու քայլով