Թավշյա հեղափոխության ոգին կենդանի է և բարգավաճում է․Ուրսուլա ֆոն դեր Լայեն

Աշխատանքային այցով Երևանում գտնվող Եվրոպական հանձնաժողովի նախագահ Ուրսուլա ֆոն դեր Լայենը և ՀՀ վարչապետ Նիկոլ Փաշինյանը հանդես եկան հայտարարություններով։ Շնորհավորելով Նիկոլ Փաշինյանին ընտրություններում հաղթելու կապակցությամբ Ուրսուլա ֆոն դեր Լայենն ասաց, որ այս ընտրությունները ևս մեկ անգամ ցույց տվեցին Հայաստանի ժողովրդավարության ամրությունը,և որ թավշյա հեղափոխության ոգին կենդանի է և բարգավաճում է։

«Ես հիմա եկել եմ ասելու, որ դուք մեզ վրա կարող եք հույս դնել, մենք ձեզ հետ պատրաստ ենք համագործակցել։

Ես գիտեմ, որ Հայաստանը դեռևս բախվում է նշանակալի տնտեսական ճնշման Ռուսաստանի կողմից։ Բայց վստահ եղեք, երբ մեր գործընկերների վրա ճնշումը կուտակվում է, ԵՄ-ն առաջ է գալիս, քայլ է անում  »,- հայտարարեց ֆոն դեր Լայենը։