Թուրքական ռազմածովային հատուկ նշանակության ուժերն անվտանգ կերպով պայթեցրել են Ստամբուլի ափերին իջած կամիկաձե անօդաչու թռչող սարքի բեկորներ

Թուրքական ռազմածովային հատուկ նշանակության ուժերն անվտանգ կերպով պայթեցրել են Ստամբուլի ափերին իջած կամիկաձե անօդաչու թռչող սարքի բեկորներ, որոնք, ենթադրաբար, պայթուցիկ նյութով են եղել։ Բնակիչները մասնատված, կասկածելի առարկան նկատել են առափնյա գծի երկայնքով և այդ մասին հայտնել իշխանություններին:

Դեպքի վայր ուղարկված առափնյա պահպանության  խմբերը նախնական գնահատում են անցկացրել՝ որոշելով, որ առարկան կարող է լինել վթարի ենթարկված կամիկաձե անօդաչու թռչող սարքի բեկորներ։

Այնուհետև Ստորջրյա պաշտպանության (SAS) հրամանատարները տեխնիկական զննում են անցկացրել և օբյեկտի վրա պայթուցիկ նյութ են հայտնաբերել։

Անվտանգության միջոցառումները պահպանելով՝  իրականացվել են սարքի վերահսկվող պայթեցում։Ռուս-ուկրաինական պատերազմի ժամանակ իրենց նշանակետերին չհասած կամ խափանված տասնյակ անօդաչու թռչող սարքեր նախկինում հայտնվել են Սև ծովի թուրքական ափերին՝ մտահոգություններ առաջացնելով հարևան երկրների համար։ 

Հերթական ԱԹՍ-ն հայտնաբերվել է այն բանից հետո, երբ Թուրքիայի արտգործնախարար Հաքան Ֆիդանը Կիևում Ուկրաինայի արտգործնախարար Անդրեյ Սիբիհայի հետ համատեղ մամուլի ասուլիսում կրկին հայտարարել էր, որ պատերազմի տարածման ռիսկը, որը Թուրքիան բարձրաձայնել է հակամարտության սկսվելուց ի վեր, մնում է լուրջ՝ հղում անելով Սև ծովի անվտանգությանը սպառնացող վերջին զարգացումներին։ «Մենք չենք ուզում, որ պատերազմը տեղափոխվի Սև ծով։ Սև ծովում նավահանգիստների, լցանավերի և ձկնորսական նավակների թիրախավորումն ու քաղաքացիական անձանց կյանքը վտանգի ենթարկելը չի ​​կարող արդարացվել»,- հայտարարել էր Ֆիդանը։