Թուրք բարձրաստիճան զինվորականը մեկնել է Ադրբեջան

Թուրքիայի ՊՆ-ն հայտնում է, որ Թուրքիայի ցամաքային զորքերի հրամանատար, գեներալ Մեթին  Թոքելն ապրիլի 27-28-ին պաշտոնական այցով մեկնել է Ադրբեջան։ Գրառման մեջ նշվել է՝«մեր եղբայրական կապերը և ռազմական համագործակցությունը շարունակում է ամրապնդվել»։

Այցի ընթացքում Թոքելը հանդիպել է Ադրբեջանի գլխավոր շտաբի պետ, բանակի գեներալ Ք. Վելիևի, ցամաքային զորքերի հրամանատար բանակի գեներալ Հ. Միրզաևի, Թուրքիայի զինված ուժերի կցորդ, գեներալ-մայոր Է. Դինչերի և Ադրբեջանում Թուրքիայի առաքելության խմբի հրամանատարության գեներալ-մայոր Ս.Օրուչօղլուի հետ։

Թոքելը բացի այդ այցելել է Հեյդար Ալիևի դամբարանը և «նահատակների գերեզմանատները»։