Թուրքիայի հատուկ ներկայացուցիչ` Սերդար Քըլըչը ողջունել է Հայաստան–Թուրքիա գործընթացում ուղիղ առևտրի նոր քայլը

Հայաստան-Թուրքիա կարգավորման գործընթացում Թուրքիայի հատուկ ներկայացուցիչ` Սերդար Քըլըչը, X-ի իր էջում անդրադարձել է Հայաստան–Թուրքիա կարգավորման գործընթացին՝ կիսվելով ՀՀ վարչապետ Նիկոլ Փաշինյանի գրառմամբ։

Քըլըչը նշել է.

«Նոր քայլ Թուրքիա-Հայաստան հարաբերությունների կարգավորման գործընթացի շրջանակում ուղիղ առևտրի ոլորտում: Այս նոր քայլը կզարգացնի նաև Թուրքիայի, Հայաստանի, Ադրբեջանի և Վրաստանի քառակողմ համագործակցությունը և կարևոր ներդրում կունենա տարածաշրջանային խաղաղության ու կայունության ամրապնդման գործում։ Մաղթում եմ, որ այս նախաձեռնությունը հաջող լինի բոլոր այս երկրների համար»։

Նրա խոսքով՝ նախաձեռնությունը կարող է նպաստել տարածաշրջանային համագործակցության ընդլայնմանը և խաղաղության ու կայունության ամրապնդմանը։