Թուրքիայի ու Հայաստանի միջև ուղիղ առևտրի մեկնարկի վերաբերյալ գրառում է արել «Անատոլիայի առյուծներ գործարարների ասոցիացիա»-ի նախագահը

«Անատոլիայի առյուծներ գործարարների ասոցիացիա»-ի (ASKON)  նախագահ Օրհան  Այդընը  գրառում է  արել  X- ի իր միկրոբլոգում՝ Թուրքիայի ու Հայաստանի միջև ուղիղ առևտրի մեկնարկի վերաբերյալ։ Նա մասնավորապես նշել է.

«Հայաստանի հետ 2022-ից մինչ օրս շարունակվող մեր կարգավորման գործընթացի շրջանակներում արված վստահության բարձարցմանն ուղղված քայլերի համատեքստում, ողջունում ենք բյուրոկրատական նախապատրաստական աշխատանքների ավարտը, որը ճանապարհ կհարթի Թուրքիայի և Հայաստանի միջև ուղիղ առևտրի համար։

Երրորդ երկրների միջոցով իրականացվող մատակարարումների վերջնական նպատակակետն այժմ կարող է նշվել որպես «Թուրքիա/Հայաստան»։ Այս քայլը պատմական հնարավորություն է տարածաշրջանային տնտեսական ինտեգրման և կայունության համար։ Անկասկած, առևտրի խոչընդոտների վերացումը կարագացնի մեր գործարար համայնքի մուտքը նոր շուկաներ։ Հույս ունենք, որ սահմանի բացման տեխնիկական աշխատանքները կավարտվեն հնարավորինս շուտ։

Հարավային Կովկասում կտիրի խաղաղություն և բարօրություն։ Մեր գործարար համայնքն այս գործընթացի ամենաուժեղ աջակիցն է։ Այս առիթով կցանկանայի երախտագիտությունս հայտնել մեր նախագահ պարոն Էրդողանին, մեր արտաքին գործերի և առևտրի նախարարություններին և բոլոր շահագրգիռ կողմերին, ովքեր իրենց ներդրումն են ունեցել կարգավորման գործընթացում»,- նշել է «Անատոլիայի առյուծներ գործարարների ասոցիացիա» -ի (ASKON)  նախագահը: