Թուրքիայի փոխնախագահը կժամանի Երևան

Մայիսի 4-ին Երևանը կհյուրընկալի Եվրոպական քաղաքական համայնքի (EPC) 8-րդ գագաթնաժողովը, որին մասնակցելու նպատակով Հայաստան կժամանի Թուրքիայի փոխնախագահ Ջևդեթ Յըլմազը, հայտնում են թուրքական ԶԼՄ-ները:

Սա կլինի Թուրքիայի բարձրաստիճան պաշտոնյայի առաջին այցը Հայաստան այս մակարդակով։ Գագաթնաժողովն անցկացվելու է «Կառուցելով ապագան. միասնություն և կայունություն Եվրոպայում» խորագրի ներքո։

Հանդիպման ընթացքում նախատեսվում է քննարկել տարածաշրջանային անվտանգությանը, տնտեսական կայունությանը և եվրոպական մայրցամաքում համագործակցության ամրապնդմանը վերաբերող հարցերի լայն շրջանակ։ Փորձագետները նշում են, որ Ջևդեթ Յըլմազի մասնակցությունը կարող է նոր էջ բացել հայ-թուրքական հարաբերությունների կարգավորման գործընթացում՝ հաշվի առնելով այցի բարձր մակարդակը։