Թրամփը դժգոհել է, որ ՆԱՏՕ-ի մի շարք երկրներ չեն աջակցել Իրանի դեմ հակամարտությանը

ԱՄՆ նախագահ Դոնալդ Թրամփը դժգոհություն է հայտնել այն բանից, որ ՆԱՏՕ-ի անդամ որոշ երկրներ հրաժարվել են աջակցել Իրանի դեմ հակամարտությանը։ Այս մասին նա հայտարարել է Սպիտակ տանը կայացած նիստի ընթացքում։

Թրամփի խոսքով՝ Միացյալ Նահանգները տասնամյակներ շարունակ ապահովել է այդ երկրների պաշտպանությունը՝ դրա համար ծախսելով տասնյակ միլիարդավոր դոլարներ։

«Մենք արդեն շուրջ 40 տարի պաշտպանել ենք այդ երկրներին՝ ծախսելով տասնյակ միլիարդավոր դոլարներ։ Ես այս հարցը կբարձրացնեմ Ներկայացուցիչների պալատում և Սենատում և կհարցնեմ՝ ինչու ենք մենք պաշտպանում այն երկրներին, որոնք չեն պաշտպանում մեզ»,– նշել է ԱՄՆ նախագահը։

Նրա խոսքով՝ ինքը միշտ կարծել է, որ ՆԱՏՕ-ն ունի նաև թույլ կողմեր։