Թրամփն Ալիևին հուշագիր է հղել 907-րդ բանաձևի սահմանափակումների կասեցման ժամկետը երկարաձգելու մասին

Դոնալդ Թրամփն Իլհամ Ալիևին հուշագիր է հղել 2025 թվականի օգոստոսի 8-ի «Ազատության աջակցության ակտի» 907-րդ բանաձևի սահմանափակումների կասեցման ժամկետը երկարաձգելու մասին։

Փաստաթղթում ընդգծվում է, որ ԱՄՆ-ի կողմից ցուցաբերվող օգնությունը չպետք է օգտագործվի Հայաստանի դեմ և չպետք է խոչընդոտի Բաքվի ու Երևանի միջև հարաբերությունների խաղաղ կարգավորմանը։

Ադրբեջանի նախագահը շնորհակալություն է հայտնել Դոնալդ  Թրամփին և բարձր է գնահատել այդ քայլը։

«Մեծարգո նախագահ Դոնալդ Թրամփ, ցանկանում եմ իմ անկեղծ երախտագիտությունը հայտնել Ձեզ՝ որպես  հիշատակի նվեր ինձ «Ազատության աջակցության ակտի» 907-րդ բանաձևի սահմանափակումների կասեցման երկարաձգման մասին հուշագիրը հղելու համար, որն ուղեկցվում էր Ձեր անձնական մակագրությամբ և բարի խոսքերով։Ես շատ եմ գնահատում այս մտածված ժեստը և խորապես գնահատում եմ այն։»,- գրել է Ալիևը X-ի իր էջում: