Վաշինգտոնը կարող է հեշտությամբ հրաժարվել Հայաստանի հետ պայմանավորվածություններից․ Զախարովա

Վաշինգտոնն առանց դժվարության կհրաժարվի Հայաստանի հետ ձեռք բերված պայմանավորվածություններից, երբ «կորցնի հետաքրքրությունը» դրանց նկատմամբ, Սանկտ Պետերբուրգի միջազգային տնտեսական ֆորումի շրջանակում ՌԻԱ Նովոստին տված հարցազրույցում հայտարարել է Ռուսաստանի ԱԳՆ պաշտոնական ներկայացուցիչ՝ Մարիյա Զախարովան։

Մայիսի վերջին Հայաստանը և ԱՄՆ-ն ստորագրել էին երկրների միջև համապարփակ ռազմավարական գործընկերության փաստաթուղթ։ Կողմերը նաև համաձայնագրեր էին կնքել հազվագյուտ հողային միներալների մատակարարման, արդյունահանման և վերամշակման, ինչպես նաև «Թրամփի ճանապարհը հանուն միջազգային բարգավաճման» նախագծի շրջանակում ռազմավարական համագործակցության վերաբերյալ։

«Երբ Վաշինգտոնը կորցնի հետաքրքրությունը կամ այնտեղ փոխվեն առաջնահերթությունները, նրանք այս ամենը կդադարեցնեն՝ իրենց համար լիովին անցավ կերպով», — ասել է Զախարովան։