Վերաքննիչ դատարանը չի վերացրել Սամվել Կարապետյանի տնային կալանքը

Վերաքննիչ դատարանը չի վերացրել «Ուժեղ Հայաստան» կուսակցության նախագահ Սամվել Կարապետյանի նկատմամբ կիրառված տնային կալանքը։ Այս մասին հայտնել է նրա փաստաբան Արամ Վարդևանյանը՝ իր ֆեյսբուքյան էջում հրապարակված տեսանյութում։

«Վերաքննիչ հակակոռուպցիոն դատարանից ստացանք մեր կողմից ներկայացված բողոքների վերաբերյալ դատավոր Խաչատրյանի որոշումը։ Որոշումը ստացել ենք արձեռն, այն բաղկացած է 160 էջից, որի 70-ից 80%-ը բացառապես հանդիսանում է մեր կողմից հենց բողոքում ներկայացված հանգամանքները, ի դեպ մի հետաքրքիր բան ասեմ, մենք չէինք սահմանափակվել պարզապես պահանջելով և հիմնավորելով, որ տնային կալանքը րոպե շուտ պետք է վերացվի, որ այս ապօրինի քաղաքական հետապնդման գործիք տնային կալանքը պետք է վերացվի Սամվել Կարապետյանի նկատմամբ կիրառված արդեն շուրջ 10 ամիս»,- այսպես է նշել փաստաբանը՝ մեկնաբանելով իր հրապարակած տեսանյութը։

Առավել մանրամասն՝ տեսանյութում։