Վիզաների հարցը կբարձրացվի ԵՄ-Հայաստան առաջիկա գագաթնաժողովին. Փաշինյան

Վիզաների հարցը կբարձրացվի Եվրամիություն-Հայաստան առաջիկա գագաթնաժողովին, լրագրողների հետ ճեպազրույցում հայտարարեց ՀՀ վարչապետ Նիկոլ Փաշինյանը:

«2017 թվականի համեմատ դեպի Եվրամիության երկրներ 2025 թվականին 580 տոկոսով աճ է արձանագրվել, այսինքն, եթե 2017 թվականին մեկնել էր 1000 մարղ, 2025 թվականին մեկն է 5800 մարդ: Խոսքն այս դեպքում այն քաղաքացիների մասին է, ովքեր ստացել են վիզա», - հայտարարեց Փաշինյանը՝ անդրադառնալով հարցին, որ քաղաքացիներն ամիսներով վիզայի դիմումի համար ժամադրություն չեն կարողանում ամրագրել:

Ընդգծելով, որ հիմա Հայաստանը միակ երկիրն է, որի հետ ԵՄ-ն բանակցում է վիզաների ազատականացման շուրջ, Փաշինյանը համոզմունք հայտնեց՝ «հնարավորինս արագ արդյունք կարձանագրենք»: