Վրաստանի և Իրանի նախագահները հանդիպում են ունեցել

Վրաստանի նախագահ Միխեիլ Կավելաշվիլին հանդիպել է Իրանի Իսլամական Հանրապետության նախագահ Մասուդ Փեզեշքիանի հետ։ Հանդիպման ժամանակ նախագահը կրկին ցավակցություն է հայտնել Իրանում տեղի ունեցած ողբերգական իրադարձությունների կապակցությամբ և հարգանքի տուրք մատուցել մահացածի հիշատակին, գրում է interpressnews–ը։

Հանդիպման ընթացքում քննարկվել են Վրաստանի և Իրանի միջև բարիդրացիական հարաբերությունները և երկկողմ համագործակցության օրակարգը։ Ուշադրություն է դարձվել տարածաշրջանում խաղաղության և կայունության հաստատման կարևորությանը։ Կողմերը շեշտել են Վրաստանի և Իրանի միջև փոխադարձ հարգանքի, միմյանց ինքնիշխանության և ազգային շահերի հաշվառման վրա հիմնված համագործակցությունը։ Թեհրան այցի շրջանակներում Վրաստանի նախագահը այսօր կմասնակցի այաթոլլա Ալի Խամենեիի հուղարկավորության արարողությանը, որին կմասնակցեն տարածաշրջանի երկրների, այդ թվում՝ Թուրքիայի, Ադրբեջանի, Հայաստանի և աշխարհի տարբեր երկրների ղեկավարներ», - ասվում է հաղորդագրության մեջ։