ժողովուրդը 21 թվականին մեզ նորից վստահեց իշխանությունը, իսկ դա հենց այդպես չի լինում

«Ժողովուրդն այսօր ունի հնարավորություն գնահատելու 18 թվի հեղափոխության արդյունքները։ Դրանից հետո 21–ի արտահերթ ընտրություններում ժողովուրդը մեզ նորից վստահեց իշխանությունը, իսկ դա հենց այդպես չի լինում, նշանակում է այն նպատակները, որ դրված էին 18 թվականին, պետք է ունենային իրենց շարունակությունը»,- այս մասին ասել է  ԱԺ պաշտպանության և անվտանգության հարցերի հանձնաժողովի նախագահ, ՔՊ ցուցակում ընդգրկված Անդրանիկ Քոչարյանը ։

 Անդրանիկ Քոչարյանն ավելացրել է, որ  հիմա եկել է այն պահը, երբ իրենք  պետք է ներկայացնեն իրենց արածը և ակնկալիք ունենանն քվե ստանալու և շարունակելու այն, ինչի համար 18 թվականին ժողովուրդը իրենց տվել է քվե: Անդրանիկ Քոչարյանը նաև տեղեկացրել է, որ  մայիսի 13–ից է միանալու իրենց քաղաքական թիմին և շարունակելու է մինչև վերջին օրը։

Անդրադառնալով Նիկոլ Փաշինյանի այն հայտարարություններին, համաձայն որի, եթե ՔՊ–ն սահմանադրական մեծամասնություն չկազմի, սեպտեմբերին պատերազմ կլինի, այն էլ այն դեպքում, երբ ընդդիմադիրները հիշեցնում են, որ այս մասին խոսում է մի ուժ, որը պատերազմներ է բերել, Անդրանիկ Քոչարյանն ասում է. «Պատերազմը մենք չենք բերել, պատերազմը, սկսել է Ադրբեջանը և բնականաբար սկսել է այն ժամանակ, երբ որ ինքը պատրաստ է եղել։ Ինչի՞ մինչև այդ մենք անընդհատ թուլացած ենք եղել, որովհետև նախկին իշխանությունները մեր երկիրը չեն սիրել, դրա համար էլ իրենց ունեցվածքը անսահման է, այդ թվում ՀՀ սահմաններից դուրս»։