1,111 մլրդ դրամ՝ 1000 խոշորներից․ հրապարակվել է 2026 թ․ առաջին կիսամյակի հարկատուների ցանկը

ԱԱՀ – 419.64 մլրդ դրամ (ընդհանուրի 37.77%-ը)

Շահութահարկ – 248.35 մլրդ դրամ (22.35%-ը)

Եկամտային հարկ – 198.97 մլրդ դրամ (17.91%-ը)

Ակցիզային հարկ – 70.78 մլրդ դրամ (6.37%-ը)

Այլ հարկեր, տուրքեր և պարտադիր վճարներ – 173.43 մլրդ դրամ (15.61%-ը)

Բանկային համակարգ․ 1000 խոշորների ցանկում ընդգրկված 17 առևտրային բանկերը միասին պետական բյուջե են վճարել 112.47 մլրդ դրամ։ Առաջատարներն են «Արդշինբանկը» (33.60 մլրդ), «Ամերիաբանկը» (22.15 մլրդ) և «Ակբա Բանկը» (10.62 մլրդ դրամ, 18-րդ տեղ)։

Ծխախոտի արտադրություն և ներմուծում․ Ոլորտի 8 խոշոր ընկերությունները միասին վճարել են 67.96 մլրդ դրամ։ Առաջատարներն են «Գրանդ Տոբակո»-ն (28.95 մլրդ), «Ինտերնեյշնլ Մասիս Տաբակ»-ը (13.32 մլրդ), «Ֆիլիպ Մորրիս Արմենիա»-ն (13.19 մլրդ) և «Ջեյ Թի Այ Արմենիա»-ն (8.40 մլրդ)։

Հեռահաղորդակցություն․ Ոլորտի առաջատար «Վիվա Արմենիան» 19-րդ հորիզոնականում է՝ 10.41 մլրդ դրամով, «Յուքոմը»՝ 27-րդ տեղում (5.81 մլրդ դրամ), իսկ «Տելեկոմ Արմենիան»՝ 36-րդ տեղում (4.81 մլրդ դրամ)։

Աշխարհագրական բաշխվածություն․ Երևանում գրանցված 824 ընկերություններն ապահովել են 1000 խոշորների հարկային մուտքերի ճնշող մեծամասնությունը՝ 922.90 մլրդ դրամ (83.06%): Մարզերից առաջատար է Սյունիքը, որտեղ գործող 18 խոշոր ձեռնարկությունները փոխանցել են 72.09 մլրդ դրամ (6.49%)՝ շնորհիվ հանքարդյունաբերական ոլորտի հսկաների։ Այնուհետև հաջորդում են Արարատի (33.69 մլրդ) և Կոտայքի (31.15 մլրդ) մարզերը։