805 անձանց Հայաստանի քաղաքացիություն շնորհելու վերաբերյալ դիմումները մերժվել են

Ազգային ժողովում 2025 թվականի պետական բյուջեի տարեկան հաշվետվության քննարկման ժամանակ «Քաղաքացիական պայմանագիր» խմբակցության պատգամավոր Սերգեյ Բագրատյանը հետաքրքրվել է, թե  արդյո՞ք տարվա ընթացքում եղել են դեպքեր, որ ՀՀ քաղաքացիություն ստանալու խնդրանքով դիմել են, բայց ստացել են մերժում:

Հանրապետության նախագահի աշխատակազմի ղեկավարի պարտականությունները կատարող Խաչատուր Պողոսյանը պատասխանել է, որ նման դեպքեր եղել են և, որ 2025 թվականի ընթացքում մերժվել են 805 անձանց քաղաքացիություն շնորհելու վերաբերյալ դիմումները:

Հարցին, թե արդյո՞ք այդ մերժված անձանց մեջ կան ջ ԼՂ-ից բռնագաղթած քաղաքացիներ, Խաչատուր Պողոսյանը պատասխանել է, որ իրենք նման վիճակագրություն չենք վարում, բայց իր ունեցած տեղեկության համաձայն՝ գրեթե բացառվում են նման դեպքերը, որովհետև Միգրացիայի և քաղաքացիության ծառայությունը Արցախից բռնագաղթած մեր հայրենակիցների վերաբերյալ գործերը առանձնահատուկ ռեժիմով՝ ամենակարճ ժամանակում է նայում: