Ադրբեջանի պաշտպանության նախարար վարակվել է կորոնավիրուսով

Այս մասին Ադրբեջանի նախագահ Իլհամ Ալիևը հայտնել է Թուրքիայի նախագահ Ռեջեփ Թայիփ Էրդողանին՝ Շուշիում կայացած հանդիպման ընթացքում, հայտնում են ադրբեջանական լրատվամիջոցները։

Էրդողանը Շուշի է ժամանել Ադրբեջանում նշվող այսպես կոչված Հաղթանակի օրվա միջոցառումներին մասնակցելու նպատակով։

Հիվանդության պատճառով Հասանովը չի մասնակցել թուրքական պատվիրակության հետ հանդիպմանը։ Նրա փոխարեն ադրբեջանական կողմը ներկայացրել է պաշտպանության նախարարի առաջին տեղակալ, Զինված ուժերի գլխավոր շտաբի պետ Քերիմ Վելիևը։