Աղջիկ երեխաների միջազգային օրվա շրջանակում մի խումբ երեխաներ այցելել են ՀՀ աշխատանքի և բարեկեցության նախարարություն

Աղջիկ երեխաների միջազգային օրվա շրջանակում մի խումբ երեխաներ այցելել են Աշխատանքի և բարեկեցության նախարարություն, խոսել հավասար հնարավորությունների, իրենց իրավունքների ու երազանքների մասին։

Այդ մասին հայտնել է ՀՀ աշխատանքի և բարեկեցության նախարարությունը՝ հրապարակելով նաև տեսանյութ։

ՄԱԿ-ի Գլխավոր ասամբլեայի որոշմամբ հոկտեմբերի 11-ը նշվում է որպես Աղջիկ երեխաների միջազգային օր։ Նպատակն է ուշադրություն հրավիրել աղջիկների իրավունքների պաշտպանությանը, նրանց համար հավասար հնարավորությունների ապահովմանը, խտրականության, բռնության, վաղ ամուսնությունների և սեռով պայմանավորված հղիության արհեստական ընդհատումների կանխարգելմանը։