Airbus Helicopters-ը և Հայաստանի Հանրապետությունը պայմանագիր են ստորագրել 6 H145 ուղղաթիռների ձեռքբերման վերաբերյալ

Airbus Helicopters-ը և Հայաստանի Հանրապետությունը պայմանագիր են ստորագրել վեց H145 բազմաֆունկցիոնալ ուղղաթիռների ձեռքբերման վերաբերյալ, այս մասին հայտնում է Airbus Helicopters ընկերությունը։

Համաձայնագիրը վերջնականացվել էր Ֆրանսիայի նախագահ Էմանուել Մակրոնի՝ Երևան կատարած պաշտոնական այցի ընթացքում և արդեն ուժի մեջ է մտել։

H145 ուղղաթիռները նախատեսված են տրանսպորտային առաքելությունների համար և կօգնեն արդիականացնել Հայաստանի օդային հնարավորությունները։ Սա Հայաստանի և Airbus Helicopters-ի միջև առաջին համագործակցային պայմանագիրն է։

Ընկերությունում նշել են, որ H145-ը հատկապես արդյունավետ է լեռնային և բարձրադիր պայմաններում, ինչը այն հարմար է դարձնում Հայաստանի աշխարհագրական առանձնահատկությունների համար։