Ալինա Չարաևան այսուհետ հանդես կգա Հայաստանի դրոշի ներքո

Պրոֆեսիոնալ թենիսիստուհի Ալինա Չարաևան միանում է «Կերոն» զարգացման հիմնադրամի «Տաղանդների ֆոնդ» ծրագրին և այսուհետ կներկայացնի Հայաստանը միջազգային թենիսի մրցաշարերում, հայտնում է «Կերոն» զարգացման հիմնադրամը։

Երկարատև աշխատանքի և բանակցությունների արդյունքում՝ «Կերոն» զարգացման հիմնադրամի և Հայաստանի թենիսի ֆեդերացիայի աջակցությամբ Ալինան արդեն ստացել է Հայաստանի Հանրապետության քաղաքացիություն և այսուհետ հանդես կգա Հայաստանի դրոշի ներքո։