Ամենամեծ ընտրախախտումներից մեկը կատարել է  հենց ԿԸՀ-ն

Հրավիրված ասուլիսում «Ուժեղ Հայաստան» դաշինքի ներկայացուցիչ Արամ Վարդևանյանը հայտարարել է, թե հունիսի 7-ին հաջորդած ժամանակահատվածում ունեցանք մի իրավիճակ, երբ ամենամեծ ընտրախախտումներից մեկը կատարեց  հենց ԿԸՀ-ն։

Վարդևանյանն ընդգծել է, որ Վարչական դատարանն ուղիղ գրել էր, որ ԿԸՀ-ն ստիպված է կազմակերպել վերաքվեարկություն, այսինքն՝ կամ Վարչական դատարանը պետք է լուծարվի, որովհետև կարող է վարչական դատարանի վճիռը նշանակություն չունենալ, կամ արձանագրվի, որ ԿԸՀ-ն Վարչական դատարանից վեր մարմին է։

Արամ Վարդևանյանը ասել է նաև հետևյալը․«ՍԴ-ին խնդրել էինք, որ Ֆինանսների նախարարությունը, մարզպետարանները, համայնքները մեզ տվյալ տրամադրեին, թե 2026թ․ փետրվարի 7-ից մինչև հունիսի 7-ը որքան պարգևավճարներ, լրավճարներ, սոցիալական օժանդակություն, նվիրատվություններ են եղել, որքան է կազմում այդ թիվը 2026թ․ այդ ժամանակահատվածում և որքան՝ 2025թ․ նույն ժամանակահատվածում։ ՍԴ-ն այդ ուղղությամբ քայլեր չի ձեռնարկել»։