ԱՄՆ-ն և Իրանը ստորագրել են միջանկյալ համաձայնագիր՝ 60-օրյա հրադադարի և բանակցությունների մեկնարկի մասին

ԱՄՆ-ն և Իրանը հրապարակել են իրենց նախագահների կողմից ստորագրված միջանկյալ համաձայնագիրը, որով նախատեսվում է 60 օրով երկարացնել հրադադարը և սկսել բանակցություններ վերջնական խաղաղության շուրջ, ասյ մասին հայտնում է Reuters–ը։
Փաստաթուղթը ներառում է նաև իրանական որոշ ակտիվների ապասառեցում։

ԱՄՆ նախագահ Դոնալդ Թրամփը հայտարարել է, որ համաձայնագրի խախտման դեպքում Վաշինգտոնը կվերսկսի ռազմական գործողությունները, մինչդեռ կողմերը շարունակում են բանակցությունները մշտական հրադադարի հաստատման ուղղությամբ։

Համաձայնագրի վերաբերյալ իրանական կողմը նշել է, որ բանակցությունների միջոցով հնարավոր է եղել հասնել ավելի մեծ արդյունքների, քան ռազմական գործողություններով։ Իրանը հայտնել է, որ փաստաթուղթն արդեն ուժի մեջ է։