ԱՄՆ-ում ՀՀ դեսպան Նարեկ Մկրտչյանը դեսպանությունում հյուրընկալել է ԱՄՆ պետքարտուղար Ռայլի Բարնսին

ԱՄՆ-ում ՀՀ դեսպան Նարեկ Մկրտչյանը դեսպանությունում հյուրընկալել է ԱՄՆ պետքարտուղարի՝ ժողովրդավարության, մարդու իրավունքների և աշխատանքի հարցերով տեղակալ Ռայլի Բարնսին։

Հանդիպման ընթացքում դեսպանը բարձր է գնահատել ԱՄՆ-ի կողմից ժողովրդավարական ինստիտուտների ամրապնդմանն ուղղված աջակցությունը՝ ընդգծելով դրա շարունակականության կարևորությունը Հայաստանի համար։

Քննարկման առանցքում են եղել նաև ԹՐԻՓՓ նախաձեռնության իրականացման ընթացքը, հիբրիդային սպառնալիքների դիմակայման մեխանիզմները, ապատեղեկատվության դեմ պայքարի արդյունավետ ուղիները, ինչպես նաև կրոնական ազատության ապահովման հետ կապված հարցերը։

 

Հանդիպումը ևս մեկ անգամ ընդգծել է Հայաստան–ԱՄՆ գործընկերության կարևորությունը՝ հիմնված ժողովրդավարական արժեքների և փոխադարձ վստահության վրա։