Առաջիկա օրերին Հայաստանում սպասվում է առանց տեղումների եղանակ․ օդի ջերմաստիճանը կբարձրանա 6-8 աստիճանով

 Հայաստանի տարածքում և մայրաքաղաք Երևանում սեպտեմբերի 9-ի ցերեկը, ինչպես նաև սեպտեմբերի 10-14-ը սպասվում է առանց տեղումների եղանակ։ Այս մասին հայտնում է Հիդրոօդերևութաբանության և մոնիթորինգի կենտրոնը։

Օդերևութաբանների կանխատեսմամբ՝ քամին կլինի արևմտյան՝ 2-5 մ/վրկ արագությամբ։

Օդի ջերմաստիճանը սեպտեմբերի 9-ի ցերեկը և առաջիկա օրերին (սեպտեմբերի 10-14-ը) ողջ հանրապետության տարածքում աստիճանաբար կբարձրանա 6-8 աստիճանով։