Արման Ծառուկյանը նպատակ ունի գնել ինքնաթիռ

UFC-ի թեթև քաշային կարգի դասակարգման երկրորդ համար Արման Ծառուկյանը կիսվել է իր ապագա ծրագրերով: Մարզիկը հայտարարել է, որ չեմպիոնական գոտին նվաճելու դեպքում պատրաստվում է անձնական ինքնաթիռ ձեռք բերել։

Հարցազրույցներից մեկի ժամանակ նա ասել է.«Կարծում եմ՝ մինչև ամռան վերջ կգնեմ այն։ Եթե հունիսին կամ հուլիսին նվաճեմ տիտղոսը, ապա օգոստոսին ինքնաթիռ ձեռք կբերեմ։ Հնարավոր է՝ դա անեմ ծննդյանս օրը՝ հոկտեմբերի 11-ին։ Երբ 19 կամ 20 տարեկան էի, ցանկանում էի 30-ամյակիս Rolls-Royce Cullinan գնել, բայց այժմ նպատակս ինքնաթիռն է։ Ամերիկայում ամեն ինչ հնարավոր է, սա հնարավորությունների երկիր է»:

Հիշեցնենք, որ 29-ամյա մարտիկը խառը մենամարտերում (MMA) անցկացրել է 26 գոտեմարտ՝ տանելով 23 հաղթանակ։