Արմավիրում և Արտաշատում հայտնաբերվել են մեծ քանակի զենք-զինամթերք՝ քաղաքացիների կամավոր հանձնմամբ

Ոստիկանության տարածքային ստորաբաժանումների բացատրական աշխատանքի արդյունքում շարունակվում են ապօրինի պահվող զենք-զինամթերքի կամավոր հանձնման դեպքերը Արմավիրի և Արտաշատի մարզերում, այս մասին հայտնում է ՀՀ ՆԳՆ ոստիկանությունը։

Արմավիրի համայնքային ոստիկանների աշխատանքի արդյունքում քաղաքացին Մրգաշատ գյուղի կամրջի տակ թողել է զենք-զինամթերք, որը տեղում հայտնաբերել են ծառայողները․ այդ թվում՝ 2 «Կալաշնիկով» ինքնաձիգ, 8 հրացան, 3 նռնակ, 3 ատրճանակ, սվին-դանակ և ավելի քան 800 փամփուշտ։

Նմանատիպ դեպք է արձանագրվել նաև Արտաշատում։ Արաքսավան գյուղի վարչական տարածքում հայտնաբերվել են «Կալաշնիկով» ինքնաձիգ, «ՌՊԿ» գնդացիր, որսորդական հրացան, 2 նռնակ՝ պայթուցիչներով, պայթուցիկ սարք, ինչպես նաև մեծ քանակի փամփուշտներ։

ՆԳՆ-ն հորդորում է քաղաքացիներին ապօրինի զենք-զինամթերքը կամավոր հանձնել ոստիկանություն՝ քրեական պատասխանատվությունից խուսափելու համար։