Արմավիրում Նիկոլ Փաշինյանը խոսել է մարզում իրականացված մեծ ներդրումային ծրագրերիր մասին

«Քաղաքացիական պայմանագիր» կուսակցությունը Արմավիրի մարզում է: Կուսակցության ներկայացուցիչները հանդիպել են տեղի բնակիչներին:

Վարչապետ Փաշինյանը բնակիչների հետ շփման ժամանակ ասել է, որ 2018 թվականից մինչև 2026 թվականի մայիսի 1-ը Արմավիրի մարզում իրականացվել են ավելի քան 200 միլիոն դոլարի ներդրումային ծրագրեր։ Եվ այսօր, ըստ Փաշինյանի,  Հայաստանի Հանրապետությունը  ծաղկում է ապրում:

«Այդ ծաղկումը տեղի է ունենում Հայաստանի Հանրապետությունում աշխատող, արդյունք ստեղծող քաղաքացիների աշխատանքով և Հայաստանի Հանրապետության կառավարության և քաղաքական մեծամասնության, խորհրդարանական մեծամասնության համակարգմամբ»,- նշել է նա։

Հանդիպման ընթացքում խոսվել է նաև ջրային ոլորտի առկա խնդիրներից և վարչապետն ասել է,որ ջրային թեմաները լինելու են 5 առաջնահերթություններից մեկը առաջիկա 5 տարիների ընթացքում:

«Մենք գնալու ենք անպայման այս ճանապարհով՝ սկսած կաթիլային ոռոգումից և շարունակած ջրամբարների կառուցմամբ, ջրի կառավարման ժամանակակից տեխնոլոգիաների ներդրմամբ։  Ջրային թեմաները, ինչպես արդեն ասել ենք, մեզ համար լինելու են 5 առաջնահերթություններից մեկը առաջիկա 5 տարիների ընթացքում»,- նշել է նա։