Արտաշատը պատրաստվում է «աստղային» ֆուտբոլային տոնի

Մայիսի 10-ին Արտաշատի քաղաքային մարզադաշտը կվերածվի հայկական սպորտի կենտրոնի։ Ժամը 17:00-ին այստեղ կմեկնարկի բացառիկ միջոցառում, որի շրջանակում խաղադաշտ դուրս կգան հայկական ֆուտբոլի բոլոր ժամանակների լավագույն վարպետները։

Կազմակերպիչները խոստանում են ոչ միայն դիտարժան ու հիշարժան հանդիպում, այլև ժամանակակից շոու-ծրագիր. մարզադաշտում տոնական մթնոլորտը կապահովի հրավիրված DJ-ը։ Սա հիանալի հնարավորություն է ֆուտբոլասերների համար՝ տեսնելու լեգենդար մարզիկներին և վայելելու մեծ ֆուտբոլի էներգետիկան։

Միջոցառման մուտքն ազատ է, ինչը հնարավորություն է տալիս բոլոր ցանկացողներին դառնալ այս մարզական տոնի մի մասնիկը։ Սպասվում է մարդաշատ և էմոցիոնալ երեկո։