Արցախահայերը պատրաստվում են ակցիաներ իրականացնել մայիսի 4-ին

Արցախի Տեղեկատվական շտաբը տեղեկացնում է, որ մայիսի 4-ին Երևանում կայանալիք Եվրոպական քաղաքական համայնքի 8-րդ գագաթնաժողովի ժամանակ, որի շրջանակում Հայաստանի Հանրապետությունում են գտնվելու եվրոպական խոշոր կառույցների ղեկավարներ և ներկայացուցիչներ, կարևոր են համարում օգտագործել այդ հնարավորությունը բարձրաձայնելու իրենց համար կենսական նշանակություն ունեցող հարցեր:

«Կոչ ենք անում միանալ մեզ և մեր ձայնը լսելի դարձնելու աշխարհին։

Հանդիպումը՝ մայիսի 4-ին, ժամը 08։45-ին, Թումանյանի այգու մուտքի մոտ,

Կիևյան կամրջի հարակից ստորգետնյա անցումի աստիճանների վրա։

Ակցիայի մեկնարկը՝ ժամը 09։00-ին։

Ակցիայի շրջանակներում, օրվա ընթացքում նախատեսվում են շարունակական խաղաղ գործողություններ, որոնց մասին կհայտնենք տեղում։

Ձեր ներկայությունը կարևոր է։»,- ասվում է հաղորդագրությունում: