Արցախի Աստղաշեն գյուղում վերացվել են հիշատակի երկու հուշարձաններ

Արբանյակային լուսանկարների վերլուծության համաձայն՝ 2024 թվականի ապրիլի 19-ից մինչև 2025 թվականի հուլիսի 15-ն ընկած ժամանակահատվածում ադրբեջանական վարչակարգի կողմից ոչնչացվել է Արցախի Աստղաշեն գյուղում տեղադրված՝ Արցախյան ազատամարտում զոհված աստղաշենցի մարտիկների հիշատակը հավերժացնող հուշարձանը, այս մասին հայտնում է  Artsakh Monuments–ը ։

Հուշարձանը կանգնեցվել էր 2012 թվականին։

Նույն ժամանակահատվածում ոչնչացվել է նաև Աստղաշենի՝ Հայրենական մեծ պատերազմում զոհված համագյուղացիների հիշատակին նվիրված հուշարձանը, որը կառուցվել էր 1970-ական թվականներին։