Արցախի դրոշի դեմ պայքար է ընթանում, մեր սեղաններից առանց զգուշացնելու հանել են Արցախի դրոշները․ Քրիստինե Վարդանյան

«Արցախի դրոշի դեմ պայքար է ընթանում, մեր՝ ընդդիմադիրների սեղաններից առանց զգուշացնելու հանվել են Արցախի դրոշները, Ֆրանսիայի հրապարակից էլ է հանվել»,- լրագրողների հետ զրույցում ասել է ԱԺ «Հայաստան» խմբակցության պատգամավոր Քրիստինե Վարդանյանը։

«Մենք չենք մտածում, որ ճիշտ ճանապարհը դրոշամարտերի մեջ մտնելն է, մենք դնենք՝ իրենք հանեն, մենք դնենք, ու անլուրջ տպավորություն ստեղծենք։ Մենք պետք է ստեղծենք այնպիսի երկիր, որտեղ Արցախի դրոշը խնդիր չլինի։ Մեր գրասենյակի դիմաց, աշխատասենյակներում դրված է Արցախի դրոշը, դա մեզ համար արժեք է, բայց ամոթ է, որ Հայաստանում Արցախի դրոշը, հերոսների անկյունը, նկարները կարող են խնդիր լինել»,-հավելել է պատգամավորը։