ԱՍՀ նախարարը և Տատյանա Մացուրան քննարկել են գենդերային հավասարության ապահովման հարցեր

Աշխատանքի և սոցիալական հարցերի նախարար Արսեն Թորոսյանն այսօր հանդիպում է ունեցել Սերբիայի Հանրապետության գենդերային հավասարության, կանանց նկատմամբ բռնության կանխարգելման և տնտեսական ու քաղաքական հզորացման հարցերով նախարար Տատյանա Մացուրայի հետ, հայտնում են ՀՀ աշխատանքի և սոցիալական հարցերի նախարարությունից։

Հանդիպման ընթացքում քննարկվել են կանանց տնտեսական հզորացման, գենդերային հավասարության ապահովման և կանանց նկատմամբ բռնության կանխարգելման ուղղություններով համատեղ աշխատանքների ընթացքն ու արդյունքները։

Նախարար Թորոսյանը շնորհակալություն է հայտնել Տատյանա Մացուրային արդյունավետ համագործակցության, մասնավորապես Հայաստանում կանանց տնտեսական հնարավորությունների ընդլայնման ուղղությամբ Սերբիայի ցուցաբերված աջակցության համար։

Նախարարն ընդգծել է, որ աշխատավայրերում կանանց ու տղամարդկանց հավասար վարձատրության ապահովման, խնամքի տնտեսության դերի արժևորման և կանանց ձեռնարկատիրության խթանմանն ուղղված անհրաժեշտ աշխատանքների կարևորությունը․ քննարկվել են նաև Հայաստանում ընտանեկան և կենցաղային բռնություն գործադրած անձանց ռեաբիլիտացման ծրագրին առնչվող մի շարք հարցեր։