Ավինյանը հրահանգել է կազմակերպել համապատասխան գործողություններ Շենգավիթ վարչական շրջանում

Երևանի քաղաքապետարանի գործակարգավարական խորհրդակցության ժամանակ քաղաքապետ Ավինյանն ասել է, որ սա նախորդ գործակարգավարական խորհրդակցության ընթացքում բարձրացված հարցի շարունակությունն է։ Խորհրդակցության ժամանակ մասնավորապես անդրադարձ է կատարվել շինարարական աշխատանքներին, և Ավինյանն ասել է, որ   նման աշխատանքները ոչ միայն պետք է իրականացվեն սահմանված ժամկետներում, այլև՝ շինարարական բոլոր կանոնների պահպանմամբ։

Այնուհետև նա դիմել է Շենգավիթ վարչական շրջանի նորանշանակ ղեկավար Ռոմիկ Մխիթարյանին՝ նշելով, որ արձանագրել է խնդիր։

«Շենգավիթ վարչական շրջանում՝ Գարեգին Նժդեհի պողոտայում, ավազը բաց է թողնված մայթերի կողքին, և դա անընդունելի է, պարոն Մխիթարյան։ Խնդրում եմ հենց այսօր կազմակերպել համապատասխան գործողությունները»,- ասել է Ավինյանը։