Այս աշնանից կսկսվի նոր սերնդի անձնագրերի եվ ID քարտերի տրամադրումը

ՀՀ քաղաքացիները կենսաչափական նոր անձնագրերն ու նույնականացման քարտերը կկարողանան ստանալ 2026 թվականի աշնանից։ Այս մասին 2025 թվականի տարեկան ամփոփիչ ասուլիսի ընթացքում հայտարարելէ ՀՀ ներքին գործերի նախարար Արփինե Սարգսյանը։ Նախարարը նշել է, որ Չեխիայի Օստրավա քաղաքում հաստատվել է քարտերի վերջնական տեսքը, ինչից հետո դրանք կուղարկվեն զանգվածային տպագրության։

Նախարարի հավաստմամբ՝ հին նմուշի անձնագրերը չեն դադարեցվի ավտոմատ կերպով․ քաղաքացիները կկարողանան դրանք օգտագործել մինչև վավերականության ժամկետի ավարտը։

Ինչ վերաբերում է նոր փաստաթղթերի արժեքին, ապա այն դեռ վերջնական հաշվարկման փուլում է և կհրապարակվի առաջիկայում։ Նախարարը նաև նշել է, որ նախատեսվում են խրախուսիչ մեխանիզմներ, որոնք կխթանեն քաղաքացիներին ավելի ակտիվ դիմել կենսաչափական փաստաթղթեր ստանալու համար։