Այս տարվա առաջին 4 ամսվա ընթացքում մինչև 18 տարեկան 800 տղա հրաժարվել է ՀՀ քաղաքացիությունից

ՔՊ խմբակցության պատգամավոր Հայկ Սարգսյանը ԱԺ մշտական հանձնաժողովների համատեղ նիստի ընթացքում հայտնել է, որ մինչև 18 տարեկան 800 տղա առաջին 4 ամսում հրաժարվել է ՀՀ քաղաքացիությունից: Նա ասել է, որ այսօր էլ  մինչև 18 տարեկան արական սեռի քաղաքացիությունից հրաժարվող անձանց թիվը շարունակում է մնալ բարձր:

 Այսպիսով՝ այս տարվա առաջին չորս ամիսներին 800-ից ավել տղաներ հրաժարվել են ՀՀ քաղաքացիությունից: Իսկ դա նշանակում է, որ 18 տարին լրացնելուց հետո չեն զորակոչվելու ծառայության:

«Եթե այս թիվը բազմապատկում ենք 3-ով, որպեսզի հասկանանք ամբողջ տարվա ընթացքում ինչ թիվ է կազմելու, մոտավորապես ունենալու ենք անցած տարվա պատկերը՝ 2,500-3,000 քաղաքացիությունից հրաժարված արական սեռի մինչև 18 տարեկան տղաներ, ինչը լուրջ խնդիր է մեր բանակի համար և կազմում է մեր տարեկան զորակոչի զգալի մասը»,- նշել է Սարգսյանը: