Ֆրանսիայի նախագահ Էմանուել Մակրոնն այցելել է Մատենադարան

Պետական այցով Հայաստան ժամանած Ֆրանսիայի նախագահ Էմանուել Մակրոնն այցելել է Մեսրոպ Մաշտոցի անվան Մատենադարան: Նախագահ Մակրոնին ուղեկցել են ԿԳՄՍ նախարար Ժաննա Անդրեասյանը և Մատենադարանի տնօրեն Արա Խզմալյանը: Այս մասին տեղեկանում ենք ԿԳՄՍ նախարարությունից:

Նախագահ Մակրոնը շրջել է  Մատենադարանում և ծանոթացել ցուցադրված ձեռագրերին: Ծանոթացել է  նաև Մատենադարանի ֆրանսիական սրահում ցուցադրված նմուշներին:

Ֆրանսիայի նախագահը նաև գրառում է կատարել Մատենադարանի հյուրերի հուշամատյանում: