Այսօր Սահմանադրական դատարանում ներկայացվելու են ամփոփիչ ելույթները

 ՍԴ-ի դիմաց լրագրողների հետ զրույցում փաստաբան Արամ Վարդևանյանն ասել է, որ այսօր Սահմանադրական դատարանում ներկայացվելու են ամփոփիչ ելույթները, «Ուժեղ Հայաստան»-ը առաջինն է ներկայացնելու, այնուհետև ներկայացնելու են մյուս դիմողները, որից հետո հարակից պատասխանողները, 3-րդ անձը և պատասխանող կողմը։

Նա ասել է նաև, որ այսօրվա նիստը դրանով ավարտվելու է, Սահմանադրական դատարանը հեռանալու է խորհրդակցական սենյակ, որոշումը պետք է լինի առավելագույնը հուլիսի 4-ին։Հիշեցնենք, որ այսօր 6-րդ օրն է, ինչ ՍԴ-ն քննում է 7 ուժերի դիմումները, ուժերը դիմումներով պահանջում են անվավեր ճանաչել քվեարկության արդյունքները։