Ազգային ժողովի նիստը չի կայացել

Ազգային ժողովի նիստը չի կայացել, քանի որ պատգամավորները քվորում չեն ապահովել:

ՀՀ ԱԺ նախագահի տեղակալ Հակոբ Արշակյանը տեղեկացրել է, որ «ԱԺ կանոնակարգ» սահմանադրական օրենքի 51-րդ հոդվածի 4-րդ մասի համաձայն՝ գրանցումը շարունակվում է մինչև անհրաժեշտ թվով պատգամավորների գրանցվելը, սակայն ոչ ավելի, քան 4 ժամ։

Նիստերի դահլիճում, բացի Հակոբ Արշակյանից, ներկա  են եղել  միայն պատգամավորներ Հովիկ Աղազարյանը և Հակոբ Ասլանյանը։ 

Հիշեցնենք, որ հունիսի 7-ին կայանալիք խորհրդարանական ընտրությունների առիթով կուսակցությունները քարոզարշավի ակտիվ փուլում են: