«Բարգավաճ Հայաստան» կուսակցության ներկայացուցիչները Տավուշի մարզի մի շարք ընտրողների տվել են ընտրակաշառք

Հակակոռուպցիոն կոմիտեից հայտնում են, որ կրկին բացահայտվել են ընտրակաշառքի նոր դեպքեր:

Ըստ ՀՀ Հակակոռուպցիոն կոմիտեի տարածած հաղորդագրության՝ՀՀ հակակոռուպցիոն կոմիտեի ծառայողների կողմից իրականացրած միջոցառումների արդյունքում փաստական տվյալներ են ստացվել այն մասին, որ «Բարգավաճ Հայաստան» կուսակցության ներկայացուցիչները Ազգային ժողովի ընտրություններին իրենց կուսակցության օգտին քվեարկելու և համակիրներ հավաքագրելու պայմանով Տավուշի մարզի մի շարք ընտրողների տվել են ընտրակաշառք:

Դեպքի առթիվ ՀՀ հակակոռուպցիոն կոմիտեում նախաձեռնվել է քրեական վարույթ, ձերբակալվել են մի շարք անձինք, կատարվել են վարութային գործողություններ։