Բրազիլիան խուսափեց պարտությունից Վինիսիուսի գոլի շնորհիվ

Ֆուտբոլի աշխարհի առաջնության խմբային փուլի առաջին տուրում Բրազիլիայի հավաքականը ԱՄՆ-ի Իսթ Ռաթերֆորդ քաղաքում խաղացել է Մարոկկոյի հավաքականի հետ։ Գրանցվեց ոչ ոքի՝ 1:1։

21-րդ րոպեին հանդիպման հաշիվը բացեց Մարոկկոյի հավաքականի եւ հոլանդական «ՊՍՎ Էյնդհովենի» 25-ամյա կիսապաշտպան Իսմայել Սայբարին։

Իտալացի Կառլո Անչելոտիի գլխավորած թիմը պարտությունից խուսափեց 32-րդ րոպեին Մադրիդի «Ռեալի» 25-ամյա հարձակվող Վինիսիուս Ժունիորի խփած գոլի շնորհիվ։

Հիշեցնենք, որ հունիսի 20-ին Բրազիլիայի մրցակիցը կլինի Հայիթին, Մարոկկոն կմրցի Շոտլանդիայի հետ։